Vawiin hian RMSA Serchhip leh Zoram Entu Pawl (ZEP) te tangkawp buatsaihin “International Day of Persons with Disabilities” Marian Hall P&E Veng Serchhipah  hman niin, Pu Lawmawma, District  Education Officer, Serchhip chuan  khuallian niin a hmanpui.

Khuallian Pu Lawmawma chuan, “Rilru leh taksa lama rualbanlohna hrang hrang neite  hmangaih taka enkawl thin tute chungah lawmthu sawiin, Integrated Education for Disable Children(IEDS) chu kum 1985 khan Mizoramah bul tan anih thu te, Education Department hnuaiah naupang rualbanlo leh harsatna neite chu  School hranpaa kaltir lovin, ‘Inclusive Education’ hnuaiah midangte nen zirtirna thuhmun pek annih thu leh School Education Department-in pianphunga rualbanloten school an kal thei na tur atan remchanna an siamsak thin thu a sawi bawk.

Sawrkar hmalakin SSA hnuaiah hian E.Lungdar leh Sechhip  Block ah Resource Person  mi 4  leh Resource Teachers 2 ve ve neiin, IEDSS bikah hian Serchhip District ah  thawktu IEDSS Co-ordinator – 1 leh Special Educator 2 an awm mek a, Kum 2018-2019 chhung hian Childrens With Special Needs(CWSN) naupang 96 (mipa-44 leh Hmeichhia-52) nei mekin heng naupang harsatna nei te hi thawktuten an School ah kalchilihin an harsatna an zawnchhuahsak thin a, theih ang anga an zirna kawnga hma an sawn theih nan tanpuina pek thin niin, Girls Stipend- Rs 2000/-, Book & Stationery- Rs 1000/- bakah a mamawhte tan Tarmit leh Wheel Chair pek thin anni,
SSA leh RMSA hmalakana avang hian mi engemawzatin Rualbanlo Certificate an lo nei phah tawh bawk a ni.

Pi Margaret Vanlalnghaki, CBRW chuan he hun hi a kaihruai a, Father Gabriel Laltlanthanga’n hunserh hmangin PC Lalromawia, Secretary, Block Disable People Organisation(BDPO) in report a pe a, Kum 2017-2018 inkara Persons with Disabilities Member  mi 10 chatuan ram pan ta te sunna hun hman anih bakah, District chhung khaw hrang hrang atanga rualbanlo ten Items hmuhnawm tak tak an entir bawk.