1932/2024-2025

Dated Kolasib the 5th September 2024: Vawiin tlai khan Kolasib DC Conference hall ah National Highway 306 & 06 kawng siam that mek chak zawka hna an thawh theih nana National Highway verification team te an thukhawm a, nimin lama an endikna report te pe in hmalak zel dan tur an sawiho.

Thutkhawmna ahhian Kolasib DC Pu Robert.C Lalhmangaiha chu Chairman niin, an thutkhawm chhan leh chak zawka hma an lak theih nana a ngaih pawimawh zawng te sawina hun a hmang a. DC chuan tunhnai a ruahsur avanga Kolasib District inkalpawhna kawng chhe lutuk avanga working committee an din in rah tha a chhuah chho zel chu lawmawm a tih thu a sawi a. NHIDCL in an theih ang tawka an thurel te an bawhzui a hmasawnna hmuh tur a awm tan chu lawmawm a tih thu sawiin theihtawp a tan la chhunzawm zel turin a chah bawk.

DC chuan tun hnaiah Kawnpui leh Khamrang inkar leimin a awm nual avanga inkalpawhna a tihbuai avanga Motor thahnem tak kawng laka tangkhang an awm nual leh Durtlang lam side a motor lian kal angai ta mai chu pawi a tih thu a sawi a. Amaherawhchu nimin a Kolasib SP in Kawnpui atanga Durtlang lama motor lian kal khapna leh kawnpui leh khamrang inkar a tlan hun bituk siamna order a tichhuak chu a lawmawm takzet a ni tiin, chu chuan chak zawka kawng siamtuten hna an thawh theih nan a pui dawn a ni, a ti.

National Highway 306&06 Kolasib District chhung hi fur ruahtui a tlak tam avangin tunhnai ah inkalpawhna a chhe hle a. He kawng NHIDCL leh MPWD in chan insem a an enkawl mek hi Kolasib District mai bakah Mizoram chak lakna ber a nih avangin chak zawk a hmalak a nih theih nan Addl DC Kolasib Chairman na hnuaiah working committee din a ni a. Hemi bawhzui hian sawrkar lam aiawh leh khawtlang, pawl leh MJA aiawhte telna Verification team siam a ni bawk. He Verification Team hi group thum a then niin, heng group pathum te hian kawng siam mek endik hna thawk in nimin 4,09,2024 khan a thawh khat nan kawng hi an endik a ni.

Vawiin a verification team te thutkhawmna ahhian Kolasib DC,Addl DC, Kawnpui SDO, Thingdawl BDO, PWD Sr EE leh SDO, Police representatives, NHIDCL Manager, Joint VC aiawhte, KDTOA aiawhte leh sawmbik mi pawimawh dangte an tel a ni.