Vawiin khan Mizoram sawrkar Legal Services Authority buatsaihin Dan leh hrai inhrilh hriatna, Legal Awareness programme, Kolasib St. Joseph’s Parish Hall-ah neih a ni a. He hunah hian Supreme Court of India-a Judge,Justice JS Khehar chuan thu sawiin Mizo mipui te chu Dan hmanga an dikna zawng fo thin turin a hrilh a ni.

Justice JS Khehar chuan, mi tin tan Dan hi siam a ni a. Heng Dan hmangte hian kan dikna chanvo neih theihte kan zawng thin tur a ni a. Kan hma a tih theih awm apiang hai chhuah a, Dan in eng ang hamthatna leh chanvo nge min pek theih tih hi hriat kan tum thin tur a ni, a ti a. Mahni hnam mil leh zia ang zelin Dan hnuaiah hma pawh kan sawn ang, tiin Mizote chu an hriatna leh thiamna te tipung turin a fuih a. Len leh san zawng tehna chu taksa san mai nilovin hriatna leh thiamna, theihna ah te a innghat a ni, Justice JS Khehar chuan a ti a. Legal Services chu mipui ten nasa takin chhawr in tum thin dawn nia, a ti a ni.

He hunah hian Justice Ujjal Bhuyan, Judge, Guwahati High Court & Executive Chairman, Mizoram State Legal Services Authority leh Justice AK Goel, Chief Justice, Guwahati High Court & Patron in Chief, Mizoram State Legal Services Authority ten thu an sawi bawk a ni.

Pu R. Thanga, Registrar, Guwahati High Court, Aizawl Bench chuan lawmthu a sawi a. Zai leh Cultural Item entir a ni bawk a ni.