Department of Pharmacy, RIPANS chuan CPCSEA ( Committee for the Purpose of Control vand Supervision of experiments on Animals), Ministry of Environment & Forest, Govt, of India nen tang kawpin National Seminar on Animal Welfare Ethics chu vawiin khan Hotel Regency, Zarkawt, Aizawl-ah a buatsaih a. CPCSEA hi India rama ransa hmanga Scientific experiment neih a nih dawn a tha taka ransa te enkawl an nih leh nih loh chungchang te experiment neih a nih dan ah ransa te tana harsatna leh tawrhna uchuak thleng thei vengtu tura India sorkarin Ministry of Environment & Forest hnuaia a din a ni a. Prevention on Cruelty to Animals Act 1960 hmangin India ram chhunga experiment neih dan te an endik thin a ni.
RIPANS hian CPCSEA Guidelines angin Director Dr. Chawngthanliana kahihruaina hnuai ah Institutional Animal Ethics Committee changtlung tak a nei a. He Committee hian RIPANS chhung a Scientific Experiment zawng zawng a ransa hman a nih dan te uluk taka endik vek thin a ni.
He Seminar hawnna hi Dr. H. Lalhlenmawia, Head of Department chuan kaihruaiin, Pu.JL. Singh, IFS, PCCF chu khuallian a ni a. Dr. Chawngthanliana, Director, RIPANS in Seminar a kal te lawmna thu a sawi a, Dr. Lalrosangi, Asst. Professor in lawmthu sawina a nei a ni. Seminar hi Mizoram chhung-a Science zirna hrang hrang leh Research Scholar hrang hrang te’n an hmang ho a ni.
RIPANS ah hian tunah hian zirna Course hrang hrang 5 a awm a, chung te chu :-
1. B. Pharm ( Bachelor in Pharmacy)
2. B.Sc(N) (Bachelor in Nursing)
3. BMLT ( Bachelor in Medical Laboratory Technology)
4. BOOT ( Bachelor of Ophthalmology)
5. BRIT ( Bachelor in Radiology & Imaging Technology) te an ni. India hmarchhak State hrang hrang atanga kalkhawm zirlai 556 an nei mek a ni.
Tunah hian zirtirna pangngai bakah Scientific Research hrang hrang an kalpui mek a ni.
