NLUP kalpui mekah vawiin khan Seirculture Deptt Kolasib chuan 2nd Phase Installment vawi hnihna Kawnpui leh Kolasib ah a sem . Tanpuina te hi Pu Hmingdailova Khiangte MLA Tuirial Bial leh Mizoram Youth Commission Chairman ni bawk chuan Kawnpui YMA Hall-ah leh Kolasib-a AMFU Hall-ahte a sem a ni.

Thu sawiin Pu Hmingdailova Khiangte chuan NLUP hi mi thenkhat ten sawisel mahse, sawiselna avanga chhia leh thuanawp a ni lo a. A dawng tu ten an sawisel ngai lo a; eizawnna bul tan nan a tha tawk a, a dawng ve lo ten an sawisel mai a ni. Mi thenkhat ten NLUP hi a thlawna sem emaw an ti a; mahse sem ringawt a ni lo. Chutianga ngai te chuan an hre dik lo a ni a ti. Silk pangang khawi hi eizawnna tha tak a ni a, Industry nen a inkungkaih nghal a, keini pawhin State dang atanga kan lak luh aia tha Puan kan siam chhuak thei ang a ti bawk.

Tun tumah hian pawisa fai Rs 25428/- bakah Pangang khawina In chung tur Rangva bundle 4 theuh mi 153 hnenah sem a ni. Sericulture Deptt hnuaiah hian NLUP dawng tu 1st Phase ah mi 33 an awm a; 2nd phase ah mi 153 an awm. (Tuial Constituency ah 61; Kolasib Bial ah 17; Serlui Bial ah 75).

NLUP sum semna hunte Pu Lalthianghlima Dist Sericulture Officer, Kolasib in a kaihruai a ni.

Attachment

  • Loading attachment...