Vawiin khan Pu V.Lalremthanga IAS District Bawrhsap Mamit hovin DC’s Conference Hall, Mamit-ah kumin 5th September 2013 Teachers Day hman dan tur rel a ni.
Meeting ah hian Pu V.Lalremthanga, IAS District Bawrhsap chuan State Level Committee-in District tinte an mahni remchan dan anga hman a remtih angin a hman dan tur kan rel a tul thusawiin zirtirtu natna avanga harsatna tawkte tanpuina tura buatsaih, National Foundation for Teachers Welfare Fund State Level atanga min beisei pawh tlin ngei tura hmalak a tul thute a sawi a ni.
He meeting-ah hian kumin Teachers Day September ni 5 chu Mamit khawpuiah chuan a huhovin Chhim Veng YMA Hall-ah DEO, Chairman-na hnuaiah hman ni se, Khuallian-ah Pu V.Lalremthanga IAS, District Bawrhsap chu khuallian ni se, tih te rel a ni bawk. He inkhawmah hian Mamit khawpuia zirtirtu thawk mekte leh Pension tawhte chawimawina hun neih ni se, tih te relin heta tel tur hian Mamita khawltang hruaitute, NGO hruaitute leh Sikul tina School Management Committee(SMC) te sawm ni se tih te rel a ni.
Meeting chuan zirtirtu chawimawina thuziak chuanna (Banner) Mamit khawpui hmun li-ah tar ni se. Teachers Day function-ah hian thuchah hrang hrangte Sikul naupangten chhiarchhuakin he ni puala District Bawrhsap thuchah Local Cable-ah tih chhuah ni bawk se tih te rel a ni bawk.
Kumin 2013 Teacher’s Day hi Sub Division Level-ah pawh lo hmang ve tura ngen ni se tih te rel a ni bawk.
He meeting-ah hian Committee members te an tel tha hle a ni.
