3794/2023

2024 Ramtuk thla ni 13: Lok Sabha MP Inthlanpui, 2024-a Kolasib District chhunga Electronic Voting Machine (EVM) leh Voter Verifiable Paper Audit Trail (VVPAT) hman turte chu vawiin khan I&PR Conference Hall, Kolasib-ah endikna (first level checking) kalpui a ni.

EVM leh VVPAT first level checking (FLC) nei tur hian a siamtu Electronics Corporation of India Limited (ECIL) aṭangin engineer pathum an lo kal a. Election official-te leh political party hrang hrang ai awhte hmuh laiin khawlte hi inthlannaa hman tlak a nih dawn leh dawn loh an endik a. Endikna pal tlangte hi uluk taka chhinchhiah thlap niin, khawih danglam theih loh turin strong room-ah kalh hnan zel a ni.

Tun ṭum inthlannaa hman tur hian EVM ballot unit (BU) 149, EVM control unit (CU) 148 leh VVPAT 165 chu FLC tih tur niin, vawiin aṭang ṭanin tun kar Zirtawpni thleng khian ni tin zing dar 9 aṭangin FLC hi kalpui tura ruahman a ni.