Sentut leh Zerman Sentut laka invenna chu vawiin khan Kolasib St. Maria Goretti's School ah pek tan a ni.

He hunah hian Kolasib Bawrhsap Pu R Zarzosanga chuan Sawrkarin hriselna a ngaih pawimawh thu sawiin kolasib District pawh hriselna kawng hrang hrangah hma a sawn tawh hle a, chutih rualin tan lakna tur pawh ala awm thu a sawi. Naupang leh thalaite chu Kolasib nghahfak an nih avangin nun tiretheitu ruihhlo laka fihlim turin leh hriselna uluk turin zirlai kalkhawmte chu a chah a ni.

He Campaign ah hian School Session site 149, Outreach (Anganwadi, Sub Centre) Site 58 hnuaiah naupang thla 9 atanga kum 15 inkar mi 26666 te hnenah sentut danna pek tum a ni a, hei hi Kolasib District mihring awm zawng zawng atangin 29.8% a ni. He campaign ina a tum bulpui ber chu kum 2020 a sentut leh zerman sentut hi India ram atanga umbo a ni.