Vawiin khan State Level Bankers' Committee (SLBC) meeting Secretariat Conference hall-ah neih a ni a, Pu Lalnunmawia Chuaungo, IAS, Principal Secretary, (Finance), Government of Mizoram chuan he meeting hi kaihruaiin, Financial Year 2017-18 Third Quarter (December, 2017) thlenga Mizoram a bank hrang hrangte dinhmun leh sorkar laipui hmalakna program hrang hrang, bank kaltlanga tihpuitlin tur chite chu thlirho a ni.
State Level Bankers' Committee meeting ah hian December, 2017 a Mizoram a bank awmte dinhmun tarlan tlangpui chu hetiang hi a ni -
Mizoram chhungah hian Bank 27 a awma, chung zingah chuan Public sector 16, Private sector 8, RRB 1 leh Cooperative bank 2 te an ni a, heng Bank te hian Branch 203 neiin chung zingah chuan Public sector 83, Private sector 19, RRB 84 leh Cooperative bank 17 an awm a, ATM 175 a awm a ni.
Heng Bank kaltlang hian Total Deposits Rs.8275.58 crores awmin, Total Advances Rs.3459.72 crores a awm bawk a, Credit Deposit (CD) ratio hi 41.81 a ni.
Mizoram a district 8 zinga CD ratio sang ber Siaha District-in CD ratio 115.89 a nei a, district CD ratio hniam ber Aizawl district chuan CD ratio 41.76 a nei a ni.
Bank zinga CD ratio nei sang ber chu Induslnd Bank Ltd. niin CD ratio 303.19 a nei a, CD ratio nei tlem ber ICICI Bank Ltd. chuan CD ratio 4.74 a nei a ni.
Public Sector bank zingah Canara Bank chuan CD ratio 241.97 neiin a sang ber a, a hniam ber Vijaya Bank chuan CD ratio 29.48 a nei a ni.
Priority Sector advances chu Rs.2109.64 crores a ni a, chu chu advance total atanga 61.34% a ni. RBI-in Priority Sector lending atana a bituk 40% aiin 21.34% laiin a tam zawk a ni.
Agriculture advance total chu Rs.452.49 crores a ni a, chu chu total advances atanga 13.16% a ni. RBI-in Agriculture Sector lending atana a bituk 18% chu 4.84% zetin a phak lo thung a ni.
MSME advances chu Rs.521.53 crores a ni a, PMMY (MUDRA) advances sanction chu Rs.85.56 crores a ni. Stand Up India (SUI) scheme advances sanction chu Rs.4.72 crores a ni a, Housing for All (PMAY-U) scheme a loan sanction chu Rs.8.52 crores a ni a, PMEGP scheme a loan sanction chu Rs.10.48 crores a ni.
National Rural Livelihood Mission (NRLM) scheme hnuaia Self Help Group (SHG) 1049 hnenah loan sanction chu Rs.25.68 crores a ni a, National Urban Livelihood Mission (NULM)-a Self Employment Program (SEP) scheme-ah loan sanction chu Rs. 5.33 crores a ni a, Housing loan mi 17417 hnenah Rs.966.70 crores pek a ni a, Education loan mi 487 hnenah Rs.15.75 crores pek a ni.
SLBC meeting ah hian Financial Year 2018-19 chhunga sorkar mission hrang hrang, NULM hnuaia Self Employment Program (SEP) scheme-te, Credit-link Subsidy Scheme (CSS) PMAY-U (Housing for All) leh MzSRLM hnuaia SHG-te hnena bank loan pek tur zat rawtna te chu pawmpui a ni bawk.
