Vawiin khan DGP Mizoram Pu Balaji Srivastava IPS chuan S.P. Aizawl Office tlawhin zing 10:30 am ah S.P. Aizawl Conference Hall ah hun a hmanpui. He hunah hian IGP (Intelligence & Law & Order), DIG (NR.), AIG - I, AIG - II leh S.P. Aizawl te leh Aizawl khaw chhunga Police Officer leh staff te thahnem tak an kal khawm a ni.

He inhmuh khawmna hun hi S.P. Aizawl in kaihhruaiin Power Point Presentation hmangin S.P. Aizawl District hnuaia an hnathawh dan tlangpui leh an mamawh te lo thlenin DGP hian a theih anga lo puih a tiam. DGP chuan kan thil neihsa te hmang thiam tur leh thiamna lamah pawh mahni in update zel a pawimawh thu sawiin tunlai khawvel changkang zelin a ken tel tunlai technology te hmang thiam turin tan kan lak a pawimawh thu te a sawi bawk. Mahni naute thawhpuite hriatchian a an harsatna te pawh hriatpui hram turin Police officer kal khawmte hi a chah bakah mahni hriselna ngaipawimawh a ruihtheih thil leh zuk leh hmuam a insum turin a chah bawk. Tun kum tawpa neih tur MLA Election hmachhawn turin a tir atanga lo in hmakhua lawk a pawimawh thu a sawi tel bawk a ni.