4075/2024-2025

Dated Kolasib the 4th February 2025: Vawiin khan Kolasib DC Conference Hall ah Pu Robert C Lalhmangaiha, Kolasib DC kaihhruaina hnuaiah National Highway 306&06 thawmthat hna kal mek chungchangah hna chakzawk a a kal theih dan tur ngaihtuah in thutkhawmna neih a ni.

He thutkhawmna ahhian Kolasib DC chuan thu sawiin, hotute hmalakna zarah 4 lane highway hna tan mai theihlohna chhan hrang hrang te tihfel a nih tawh avangin hna tan thuai beisei a ni a, amaherawhchu kawng siam chhung hun a duh rei dawn avangin tun a an kawng hman mek, Mizoram chak lakluhna ber chu thawmthat a pawimawh hle a ni, a ti. An hma lawkah ruahtui a lo tla leh dawn tih sawiin, chumi hma a hna chak taka an thawh angai a ni, a ti a. Tun aia awmze nei zawk in engtinnge Highway thawmthat hna kal mek chu an vil ang tih chu vawiin a an thuthkhawmna chhan ber a nih thu a sawi bawk a ni.

He huna NHIDCL hnuaaia Contractors lo kalkhawmte hian an hnathawh dan tlangpui report an pe a. BR Goyal Construction company chuan mualkhang leh khamrang inkarah km 4 black topping an zo tawh tih sawiin, maintenance hna hi kalpui chhunzawm zel anih thu an sawi a. He an kawng siamna ahhian committee ngenna angin Silchar leh rampawn lam lung chang tha hman a nih thu an sawi. Balaji Construction Company pawh in Vairengte leh Bilkhawthlir inkar Black topping chu an tan tawh tih sawiin, Vairengte -Bilkhawthlir leh Kolasib -Kawnpui inkar thawmthat hna chu kumin March ni 31 hma a an zawh theih an in beisei thu an sawi. Mizoram PWD aiawhin Pu R Lalduhthlanga, Senior EE pawh in report pe in Bilkhawthlir leh Kolasib inkar pothole leh khuar dangte hnawh mam hna chu an kalpui mek thu a sawi a. Chutiang bawkin Kawnpui leh Khamrang inkar pawh kalpui a ni, a ti a. Tuihawk luankawr leh pothole dang thenkhat siam na tur pawh estimate theh luh a ni a, hotute thu ngaihchan mek a ni, a ti bawk.

Vawiin hunah hian NGO leh JAC aiawh a lokal te pawhin thu sawiin, kawng tha neih thuai a nih theih nan sawrkar chu thawhpui zawm zel an inhuam thu an sawi a. Hemi denchhan hian kawng endik hna, monitoring an kalpui ṭhin pawh chhunzawm nise tia rel a ni.

Vawiin thuthkhawmna ahhian  Kolasib DC bakah Pu David H Lalthangliana, SP Kolasib te, Pi B Malsawmtluangi, Addl DC Kolasib te, Kawnpui SDO, MPWD Sr EE te, Kolasib DC Office a Officers te, NHIDCL leh Balaji leh BR Goyal construction aiawhte, Sub Hq YMA aiawhte, Kolasib District Truck Owners Association aiawhte leh sawmbik mi dangte an tel a ni.