Vawiin khan DC Conference Hall Kolasib ah Bawrhsap DR.Arun T kaihhruaina hnuaiah line Department hrang hrangte chu NLUP Kutpui hman dan tur relin an thukhawm.

Thutkhawm chuan NLUP Kutpui chu Venglai Bazar Shed, Kolasib ah ni 24 leh 25 may a hman turin thu a titlu a, a hawnna inkhawm chu Parish Hall Kolasib venglai ah ni 24 may chawhma Dar 10:00 ah neih tura rel niin Khuallian a tan Bialtu MLA Pu PC Zoram Sangliana chu sawm nise tiin a rel bawk.

He Kutpui ah hian NLUP Line Department hrang hrang hnuaia Beneficiaries te chuan an hmalakna leh an thawhrah hlawhtlinpuite chu an pholang anga, Mipuite tana man tlawm zawka lei theih tura phochhuah tur a ni. NLUP kutpui buatsaih na tur hian NIB chuan Kolasib District tan cheng nuai 10 a ruahman a ni.