Vawiin khan Kolasib DC Office-ah Nehru Yuva Kendra Sangathan NYKS District office thar hawn a ni a, Office thar hawnna hi Addl. DC Office chamber ah inkhawm tawi buatsaiha neih niin hei hi Pu Zairemmawia, Addl. DC chuan a hmanpui a ni.

Pu Zairemmawia chuan thu sawiin NYK District Office, Kolasib-a hawn thar a ni ve ta chu lawmawm a tih thu a sawi a, hei hi thalai pawl hrang hrang la in din chho zel turte tan a tha hle dawn a ni, a ti a. Indin thar chauh ala nih avangin a tul ang angah DC lamte nen inpei zawna an thawhho zel tur thu a sawi a ni.

Pu Raj Kumar Joshi, Youth Coordinator chuan Kolasib District NYK Office hi Aizawl atangin a enkawl hrih dawn a. A din tirah hian Volunteer thalai 6 hna thawk tura dah an ni a. Anni hian DC Office chungah office bun thar hi nghakin a tul ang angin hna an thawk ang. NYK hnuaiah hian thalai Adventure, Sports, Culture leh thalai tih hmasawnna lam pawl/club indin thar te chu in register theih a ni dawn tih he hunah hian sawilan a ni a. An hmakhua chi hrang hrang training an neih theihna tur thlengin NYK hian a ngaihtuahpui ang a, an inrelbawlna turin sum pawh a tul dan a zirin a ngaihtuahpui bawk ang.