Vawiin khan UD&PA Deptt Kolasib chuan Diakkawn YMA Hall, Kolasib-ah Pradhan Mantri Awas Yojana ( PMAY)-Housing For All hnuaia insak tanpuina dawng turte kokhawm in PMAY awmzia leh kalphung inzirtirna leh insak dan tur inhrilhhriatna hun an nei.

He hun hi Pi P.C. Zonuntluangi, DUDO in kaihruaiin insak tanpuina dawng turte chu a lawmpui thu sawiin Sawrkar tanpuina an dawn tur chu a hmanna tur dik taka hmang turin a chah a ni. Tanpuina dawngtute tana form fill up ngai te pek niin insak dan tur te inhrilh a ni a. Hriatfiahloh neite tan Zawhna leh chhanna hun hman a ni bawk.

Pi R. Lalmuanpuii, Urban Infrastructure Specialist chuan PMAY - Housing For All chungchangah power point presentation a pe a. PMAY-HFA hi Kolasib khawpui chhungah 1st batch atan chhungkaw 311 in an dawng dawn a ni. Tanpuina sum hi 1st Instalment-ah Rs 60000/- (Singruk), 2nd Instalment-ah Rs 60000/- ( Singruk) leh 3rd Instalment-ah Rs 30000/- (Singthum) an dawng dawn a ni. Tanpuina dawngtute chu uluk taka vil tur an ni ang.