Vawiin khan Lawngtlai DC Conference Hall-ah Lawngtlai District chhunga Gram Panchayat Development Plan (GPDP) kalpui dan tur sawi ho a ni.

He hun hi Lawngtlai DRDA-a Asst Project Officer Pi Lalramliani'n a kaihruai a. Lawngtlai BDO Pi Carolyn LB Khiangte MCS chuan GPDP chungchang powerpoint presentation hmangin a sawi fiah a. Hemi hnu hian line department kal khawmte'n GPDP hlawhtlin nana hma lak theih dan tur hrang hrang an sawi ho nghal.

GPDP hi khaw tinin anmahni mamawh ang zela hna thawh tur ruahmanna (plan) an siam a, chumi hmanga line department-te'n hna an thawhna tur a ni a. Block tina BDO-te kaihhruaina hnuaiah line department worker te, facilitator leh khawtlang ai awhte'n khaw tin mamawh zir chiangin, hna thawh tur ruahmanna an siam ang a, chu chu mipui (gram sabha)-in an pawmpui hnuah, chumi zul zui chuan hma sawnna hna thawh a ni tawh dawn a ni. Plan siam hun chhung atan hian sawrkar laipui chuan October ni 2 atanga December ni 31, 2018 inkar chhung hunbi a tuk a ni