Nimin chawhnu khan Lunglei Forest Division buatsaihin Lunglei Government College (LGC) Multipurpose Hall 64th National Wildlife Week 2018 hawnna neih a ni. Lunglei SP leh Chairman, Wildlife Crime Control Sub-Unit Lunglei District ni bawk Pu C.Lalthanmawia, MPS chu khuallian ani. Kumin thupui ah 'Sa hel ei chi ramsa te hi an rem mek avangin i hum halh ang u' tih ani.

Wildlife Week hawnna inkhawm hi Pu R.Lalrochama,  Associate Profesor LGC leh Honorary Wildlife Warden Designate for Lunglei District chuan inkhawm kaihruaiin khuallian Pu C.Lalthanmawia chuan Wildlife Protection Act.1972 ah chuan mihring tih lovah chuan thilnung zawng zawng te ngaihtuah leh venhim na a awm a. India danpui ah nungchate humhalh leh venhim hi India khua leh tui tan chuan kan tihtur ani. Forest leh  environment thleng a kan humhalh a ngai a ni, thalaite mawhphurhna hi a zau em em a, rilru zim deuh pu lovin kan ram nungcha te humhalhtu i nih a ngai a ni. Mizo te hi kan ei leh inah kan in en let a ngai a ni. Mizoram ram mawi tak te kan tichhe palh ang tih a hlauhawm hle a ni. Khawvel ram hrang hrang te chuan nungchate humhalh na Dan an zawm tha hle a, India ram a kan Dan te pawh zawm theuh turin kalkhawm te a chah a ni.

Dr.C.Vidhyasagar, IFS, DFO, Lunglei chuan powerpoint presentation nei in, Mizoram chu 88.93% hi ramngaw ni in 41% chu Notified Forests area a ni. Mizoram hi India ram a ram ti kang nasa ber kan ni a. A chhan chu lo neih vang te, thing tuah lak leh ram kan vang te a ni a ti. Thing leh mau kan tih chereu vangin sik leh sa pawh a pangngai lovin khua pawh a lum phah a ni. Hemi ven nan hian thing phun uar a tul hle a ni. Nungcha humhalh na Dan leh bawhchhiatna Dan te leh hrem theihna Dan te a sawi a, Dan in a phal loh Air Gun hman khap thu te a sawi a, pastic tawih thei lo hman avang a nungcha tam tak a tih rem theih dan te a sawi bawk.

Pi.Lalhmangaihi Hrahsel, Principal, Lunglei Government College pawhin thu sawi in an College a 64th National Wildlife Week 2018 hman a nih avangin lawmthu a sawi a. Kan zirna piah lam ah India khua leh tui tha nih kan zir a, chuvangin DFO thusawi atanga kan zir nungchate humhalh, venhim leh ngaihsak te hi kan tih tur a ni. Hei bak ah Dan zawm a a zawm lo tute thuneitu te hnen a hrilh hre turin a chah bawk a ni.

Kum 2018 Lunglei District chhung a kangmei ven na kawng a ti tha Khua 12 te hnen ah Rs.4000/- leh Citation hlan na neih a ni. chung Khua te chu : Ralvawng, Mausen, Denlung, Muallianpui, Tawipui 'N' I, Upper Lungrang, Sailen, Phairuangkai, Aithur, Khawhri, tarpho leh Mualcheng 'S' te an ni.