Vawiin khan Kolasib DC Office ah Kolasib District chhunga 2015-2016 atana Prime Minister's Employment Generation Programme (PMEGP) loan diltute interview neih a ni.
Interview hi Pu R. Lalremsanga, Addl. DC Kolasib hova neih a ni a, interview ah hian State Bank of India (SBI), Mizoram Rural Bank (MRB), Mizoram Co-operative Bank (MCAB), Khadi & Village Industries Commission (KVIC) Board leh District Industries Centre (DIC) Kolasib aiawhte an thu bawk a ni.
Kolasib District chhungah hian DIC leh KVIC hnuaia trade hrang hrangah te diltu mi 303 an awm a, vawiin khan mi 149 interview niin a bak mi 154 chu naktuk ah interview an nei dawn a. Margin money atan hian KVIC hnuaiah hian cheng nuai 75 leh DIC hnuaiah cheng nuai 21 dah a ni.
Bank hranga loan diltute dinhmun chu hetiang hi a ni:
SBI Vairengte mi 8 (KVIC)
MRB Bilkhawthlir mi 14(KVIC)
MRB Vairengte mi 22 (KVIC)
MRB Kolasib mi 67 (KVIC)
MCAB Kolasib mi 15 (KVIC)
MCAB Kolasib mi 23 (DIC)
MRB Kawnpui mi 61 (KVIC)
MRB Lungdai mi 9 (KVIC)
SBI Kolasib mi 33 (KVIC)
SBI Kolasib mi 51 (DIC)
