Kar khat awh tur Road Safety Week chu Mizoram leh ram chhung hmun dang rualin tukin khan Kolasib ah pawh a hawnna neih a ni a. Road Safety Week hawnna inkhawm tawite hi Diakkawn a neih niin DTO Pu R. Lalnunmawia'n  kaihruai a. Kolasib Addl. SP Pu SK Hmar, Addl DC Pu R. Lalremsanga leh SDO(S) Pi Vanlalruati ten an hmanpui a ni.

Week hawngtu Kolasib Addl. SP Pu S K Hmar chuan  lirthei chetsualna tam zawk chu ruihtheih thil avangin a ni fo thin a, chuvangin he thilah hian mitin kan fimkhur a ngai a, a bik takin lirthei khalhtu te chu zu leh ruihtheih thil lakah an insum a pawimawh a ni, a ti. Road Safety Week chhung hian Kolasib a lirthei (maxicab, auto leh taxi) khalhtute tan DTO ruahmanna hnuaiah training pek an ni dawn.