Right to Information hapta (RTI week) chu vawiin khan Kolasib DIPRO Conference Hall ah Bawrhsap Pu Zoengsanga hoin hman a ni.

Bawrhsap Pu Zoengsanga chuan RTI Act pawimawhna chu mipui mimir in an hre chho zel a, hmang tangkai tu pawh an awm nual tawh tih tarlangin Mipui ten Sawrkar laka an thil hriat duh te chhanna pek chu Sawrkar hnathawkte mawhphurna ani a ti.

Sawrkar hmalakna hrang hrangte, Sawrkar/Department/Office in enge a thawh/enge a tih/engtin nge hna a kalpui tih te chu zawhna awm thei ani a, heng chungchanga zawhna a luh/awm reng rengin dan in a phut ang ngeiin a hun takah chhanna pek tur ani tiin chhanna pek khawtlai chu a remlo ani a ti.

Bawrhsap chuan dan hnuaiah dik tak leh rinawm taka thawkin, kan hnathawh chungchanga zawhna a awm pawhin huaisen taka chhanna kan pek ngei theihnan nitin hnathawh ah dikna leh rinawmna vawng tlat turin kalkhawm Sawrkar hnathawkte a chah a, he dan hmang tangkai chhunzawm turin he huna tel ve khawtlang hruaitute a sawm bawk a, Kolasib District in hma a lo sawn zel theihnan theihtawp chhuah turin a sawm a ni.

He hunah hian Kolasib a Department hrang hrang hotute bakah Sub-Hqrs YMA,MUP, MHIP leh Kolasib District MJA hruaitute an kalkhawm a, kolasib SDC Pi R.Lalnunkimi’n power point presentation hmangin RTI chungchangah zirtirna a pe a, zawhna leh chhanna hun hman bawk ani.

Attachment

  • Loading attachment...