2420/2025-2026

Kolasib, November 27, 2025 : Vawiin khan Mizoram State Legal Services Authority (MSLSA) leh Administrative Training institute bultumin Kolasib District chhunga Sorkar Department hrang hranga hotute leh thawktute (Government Officials) pualin 'Legal Provisions & Matter' tih thupui hmangin Awareness Campaign neih a ni.

He hun hi Pi Lalrimawii Hmar, Joint Director (Trg), ATI, Aizawl chuan kaihruaiin, kalkhawmte lawmna thu a sawi a. Awareness Campaign neih a ni chu lawmawm a tih thu sawiin, he hun hi office hnathawhna kawngah leh nitin nun atana thil ṭangkai tak a nih avangin, a tawp thleng ngaithla a, harsatna leh zawh duh neite pawhin zawt hreh lo turin kalkhawmte a chah a ni.

He hun hmanpuitu Pu Robert C. Lalhmangaiha, Deputy Commissioner, Kolasib chuan thu sawiin, dan hriat pawimawhzia a tarlang a. Khawvel changkang leh ṭhang chho zelah dan chu mihringte chunga leng a nih avangin, kan duh vang reng ni lova thil thleng palh a awm pawha min chhanhimtu tur a nih avangin kan ngaih pawimawh a, kan hriat chian a ṭul hle a ni, a ti.

Kolasib Bawrhsap chuan tunlaiin POCSO case a tam chhoh avangin ngaipawimawh bik turin kalkhawmte a chah a. Kan tu leh fate, a bik takin hmeichhiate hursualna leh hleilenna laka an him theih nana nasa taka hma lak a ngaih thu sawiin, Judicial functionaries leh Resource Person ten zirtirna an pekte chu a taka hmang ṭangkai thiam turin a fuih bawk.

Vawiin hunah hian topic hrang hrang ,Child Laws – POCSO Act and Juvenile Justice Act., General Legal Principles, Maxims and Doctrines, Social Media Ethics, Alternate Dispute Resolution and Legal Services ah te zirtirna pek a ni a, Pi Cassandra Zosangliani JMFC, Pu Zonunmawia Civil Judge, Pu V Vanlalhriata CJM Kolasib, Pu R Vanlalena Judge Fast Track Court te hnen atangin zirtirna hi ngaihthlak a ni.

He hunah hian Kolasib a Department hrang hrang hotute leh an Staff pakhat theuh an tel thei a ni.