MLA inthlana Vote thlak zawh tak thlirletna neiin vawiin khan Kolasib DC Conference hall ah thlirletna hun hman a ni.
Kolasib DEO Dr.Arun T, IAS kaihhruaina hnuaia thutkhawm neih ah hian Kolasib District huam chhunga Assembly Constituency tin Vote thlak kaihhhnawih chi hrang hrang sawiho niin Polling Station tina voter awm zat te, mipa leh hmeichhe awm zat, vote thlak/tlak zat, EPIC kenga vote thlak zat, Polling Agent awm leh awm lohna te, vote thlakna hmuna buaina/tharum thawhna a thlen leh thlen loh te thlirho a ni a.Buaina emaw harsatna liantham thleng engmah awmloa report ngaihthlak niin Polling Station vote tlak tlemna ber Mualvum 46.4% (Tuirial A/C) chu Service voter (Postal Ballot kal tlanga vote thlak) an tam vang nia tarlan a ni. Polling Station hrang hrang ah tluang tak leh felfai taka vote thlak zawh vek niin thudawn a ni a, Constituency tin a Polling party zawng zawng ten nizan lam khan Govt. Kolasib Kolasib College (Receiving Centre), Vote chhiarna tur hmun a Strong Room ah EVM/VVPAT khawl te hi General Observer, Returning Officer te leh Party aiawh te hmuh laiin an dah tha a, Strong Room te hi seal/kalh nghal vek bawk an ni.
Thutkhawm ah hian Constituency tina Returning Officer te bakah, General Observer Pu Manoj Kumar Pingua, IAS; Police Observer Debhasish Dhar IPS leh Political party/ Candidate aiawh te an kalkhawm a ni.
