MLA General Election, 2018 chu Mamit District chhungah tluang taka neih anih hnuin vawiin khan 1- Hachhek (ST) AC, 2-Dampa (ST)A/C, leh 3- Mamit (ST) AC te tan Scrutiny neih niin EVM/VVPAT te hi Strong Room- ah uluk taka vawn that tura seal niin Returning Officerte leh Political Party hrang hrang te'n hming an ziah hnan a ni.

Tarlan tawh angin nimin khan Mamit District chhung Polling Station 116 leh Special Polling Station 9 ah te inthlanna boruak muanawm tak hnuaiah neih a ni a. Mamit District Pumpuia mipuiin Vote an thlak dan hi 81% a tling a ni.

EVM/VVPAT Strong Room hi venhimna tha taka thuam anih dawn bakah Strong room leh a chhehvel thlir letna tur CCTV vuah vek a ni dawn bawk a ni.

Vawiin Scrutiny hi  General Observers te hovin District Election Officer, Returning Officers te chuan Polling Officials te record leh report hrang hrangte chu uluk taka endik a ni a, Endikna hi Constituency hrang hrang anga neih niin he hunah hian Political Party hrang hrang aiawhte te an tel bawk a ni.