Mizoram MLA Election 2018 puala inthlanna neih chu Assembly Constituency pasarih awmna Lunglei District-ah buaina lian tham awm loin tluang taka zawh fel a ni. Inthlanna hi Lunglei District General Observer pathum - Mr NS Prasanna Kumar, Mr Chakravarthi Mohan, Mr Armstrong Pame, Police Observer Mr Sangakal Veeresh Prabhu leh Expenditure Observer pahnih – Mr Parveen Kumar leh Mr Keyur Patel ten Polling Station te kalchilhin an enfiah a ni.

Vote thlak atanga a lan danin Lunglei District Assembly Constituency pasarih awm atanga vote tla zat chu za zela 83  niin 35-West Tuipui ah vote tla tha berin za zela 87 a tla a, 32-Lunglei West ah vote tla hniam berin za zela 77 a tla a ni. Assembly Constituency tina vote tlak dan chu a hetiang hi a ni:

Nimin inthlanna a vote tla zat te hi darkar hnih bi dan zelah Polling station tin ten vote tla zat report-na  tur Pollstar ti a  vuah  hmangin  an pe  zel a. District Control Centre atana ruat DC Office 2^nd Floor ah Polling Station tin atanga report dawng turin Call Centre pasarih leh Control Room te buatsaih niin heng report te hi ECI lamah thawn thlak ve leh zel a ni a. Vote thlak hun chhung hian Lunglei DEO Dr Ankita Chakravarty leh District official dangten Control Centre hi an vil reng a ni.

Kumin inthlan thupui ‘Accessible Elections’ a nih angin painphunga rualbaloten (PWD) vote an thlak ve ngei theihna tur in ruahmanna te siam niin polling station an panna leh letna tur lirthei ruamhna sak an ni a. Pianphunga rualbanlo voters te hi Polling Station 60 area huamchhungah awmin anmahni pui turin polling station tinah YMA volunteer-te lo duty in vote tluang takin an thlak thei a ni. Hmeichhe hlang duty na Pink Polling Station pasarih ah te pawh tluang tak inthlan hi kalpui a ni.

Inthlana a duty, khawl leh bungrua lo let te hi tha taka lo dawnsawn niin Saikuti Hall ah Receiving Team ten anlo hmuak a. Helai hmuna duty te chaw ei tur hi Venglai Branch YMA in an buatsaih a.  Inthlan hmanrua EVM leh VVPAT lo let te chu te chu Saikuti Hall a Strong Room siamah dah luh an ni.