Tui tla zawnna kawnga remchang zawk leh kawng awlsam zawk a awm theih beiseiin Kolasib District Disaster management authority (KDDMA)  leh sub hqtrs YMA Kolasib tang duna an huaihawt tui hnuai luh zirna ‘Scuba Diving Training’ neih  a ni.

SCUBA diving training hian karkhat chhung a awh a, Thawhtanni khan Kolasib Bawrhsap Dr.Arun T, IAS in Thingdawl District park ah a hawng a Theory training neih nghal niin Thawhlehni atanga ningani thleng khan District park thingdawlah practical training neih a ni a. Vawiin khan Serlui ah Pi Marilyn Rualzakhumthang SDO(S), Kolasib hoin a taka enchhinna neih leh a ni bawk. Trainee te hi YMA member branch hrang hrang ami sub hqtrs YMA kaltlanga thlan an ni a, he training hian tui tla zawn chhuah na kawngah nasa takin tangkaina a neih beisei a ni.