4151/2023-2024
2024 Vau thla ni 13: Vawiin Chawhma dar 11 khan Kolasib DC Conference Hall-ah Social Justice & Empowerment Department hnuaia scheme hrang hrang social audit chungchangah Kolasib District Bawrhsap Pu John LT Sanga hovin ṭhut khawm buatsaih a ni a. Aizawl aṭangin Pi Laltleipuii, Director, Social Audit Unit chuan a rawn telpui a ni.
Pi Laltleipuii chuan social audit an kalpui dan sawi fiahin, social audit hi a tirah chuan Rural Development Department hnuaiah kalpui a nih thu leh a hnuah department dangah pawh kalpui a nih thu a sawi a. Tun ṭumah hian TNT Kalvary Home, Khuangpuilam, Kolasib-ah social audit an neih thu sawiin, TNT Kolasib-ah hian National Action Plan for Drugs Demand Reduction (NAPDDR) hnuaiah Integrated Rehabilitation Centre for Addicts (IRCA) bakah, National Action Plan for Senior Citizen (NAPSC) te kalpui a nih thu a sawi.
He ṭhut khawmah hian he'ng scheme hnuaia TNT-a hma lakna hrang hrang sawi ho a ni a. He'ng scheme hnuaia TNT-in fund a dawn dan te tar lan niin, 2023-24-ah fund dawn a la awm loh thu te, NAPSC bikah phei chuan 2021 hnu lamah fund dawn a awm tawh ngai loh thu te tar lan a ni a. IRCA hnuaiah ruihhlo ngai enkawlna tur mi 15 leng siam a nih thu te tar lan a ni bawk.
Social audit neihnaah hian TNT hian kawng tam takah guideline anga thil an kalpui theih thu tar lan a nih rualin, scheme aṭanga fund an dawnte hi inenkawlna tur chauh a nih avangin infrastructure lamah State sawrkarin hma laksak thei se tih rawtna siam a ni.
He hunah hian SAU hnuaia thawktute bakah, Jordan Centre, Seṭhawna thawktute, MHIP leh MUP ai awhte an tel bawk a. MHIP-in an enkawl Swadhar Greh-ah kum hnih chhung fund dawn a nih tawh loh dan te, Family Counselling & Guidance-ah kum khat vel fund dawn a nih tawh loh dan te pawh sawi lan a ni.
Attachment
- Loading attachment...
