4152/2023-2024

Dated Siaha 13th March 2024 : Vawiin chawhma khan DRDO's District Rural Resource Centre (DRRC), Siahaah 'District Level Convergence Committee on MNREGS' chu Pu Abraham Beirazi Khitie, Addl.DC kaihruaiin an thukhawm.

Pu Abraham Beirazi Khitie, chuan thutkhawma lo kalte chunga lawmthu sawina a nei hmasa a. District- in hmasawnna rahbi thar a kai theihna turin Department hrang hrangte inkarah thawhhohna leh inlaichinna tha tak a awm a tul a ni, a ti a. Department- tinte hnathawh inhriatpui bakah inpuih theihna laia inpuih thei turin tan i la thar leh ang u tiin a sawm a. Sawrkar department hrang hrangte chu Siaha District -mipuite tana rawngbawltu pawimawh tak an nihna chu hre reng turin a chah a, ram leh hnam tana theihtawp chhuahpui turin a sawm a ni.

MNREGS- chu sawrkarlaipuii scheme lian leh pawimawh tak a nih thu sawiin Pu Abraham Beirazi Khitie, chuan Mizoram mipuite pawhin an chhawr tangkai hle a ti a. MNREGS- hnuaia hmasawnna hnathawhten mipuite tana zau zawka hamthatna a thlen theih nan MNREGS chu Convergence - a kalpui a nih thu tarlangin, sawrkar department hrang hrangte thawhpuina tha a ngen nghal bawk.

Pu M. Misael, Project Director, chuan kum 2023-2024 chhunga 'MNREGS Annual Plan' tarlanna leh sawifiahna a nei a. Department hrang hrangte nena an hnathawhhona tur tlangpui sawiin, MNREGS - chu mipuite mamawh em em a nihna angin, a hlawhtlinna thlen turin department- zawng zawngte thawhpuiah a sawm a ni.

Pu C. Lalremruata, Work Manager, DRDO chuan technical report pekna a nei a. Department hrang hrang- PHE, PWD, Horticulture, Agriculture, Fisheries, bakah PMAY, MzSRLM leh EF&CC (MADC) te nena 'convergence' neih a nih dan tlangpui sawifiahna a nei a. Department hruaitute pawhin ' Convergence ' a hlawhtling ngei theihna tura theihtawp chhuahpui an tum thu an tarlang a. Department hotute chuan 'MNREGS Convergence' a hlawhtlin theih nan, March ni 27 ral hma ngei a an hnathawh dan tur ( Action Plan) bakah an hnathawhna hmun tur khuate ( List of Villages) chu lo siamfel tura hmalak an tum thu an tarlang bawk.

Pu Abraham Beirazi Khitie, Addl.DC chuan lawmthu sawina neiin thutkhawm hi a khar a ni.