Ni li chhung awh tur Special Handloom Expo chu vawiin khan UD&PA Conference Hall, Kolasib-ah District Bawrhsap Pu H.Lalengmawia'n a hawng.

Hawnna inkhawmah hian Pu H.Lalengmawia chuan Handloom ah state dang el pha tura tan a ngaih thu sawiin, state pawna hralhchhuah tlak a rawngah leh a design ah pawh danglam bik siamchhuah kawngah tanlak a ngaih thu a sawi a. Mizo te mai nilo hnamdang pawhin kan puan te an lei duh nan tanlak a ngai a ni a ti a. Hmasawn zel nan handloom nei mimal emaw pawl emaw pawhin MAHCO te nena tangruala project tha tak neih a tul thu sawiin, handloom tih hmasawnna a tana sorkar laipuiin hamthatna a siamte bawhzui a ngaihven turin a puantahtute a fuih a ni.

MAHCO hnuaiah hian handloom nei inziaklut 100 chuang awmin, tun tum expo ah hian 30 thlan an ni.