Pu R.Lalzirliana, Agriculture Minister etc. chuan vawiin khan Kolasib tlawhin Agriculture hnuaia hmalakna hrang hrang a tlawh.

Minister hian Kolasib District a NEDP hnuaia Agriculture Department hmalakna Onion Nursery, Model Organic Farm, Thingdawl a tlawh a. Agriculture Department hian ram 10acre a zau ah Purun hi ching turin hma a la mek a ni.

Hemi hnu hian Minister hian Agriculture Complex, Kolasib a Rs.20 lacs senga sak Agriculture Technology Management Agency (ATMA) building a hawng a. ATMA building hi a dung 35ft leh a vang 28ft a zau a ni.

ATMA building hawn zawhah hian kuthnathawktu te hnena New Economic Development Policy (NEDP) chungchang inhrilhriatna 'Inception of NEDP Programme', Diakkawn YMA Hall a neihah Khuallian niin a hmanpui a. He hunah hian Pu R.Lalzirliana chuan NEDP hnuaiah sorkar chuan tharchhuah tam zawk kan neih nan leh kuthnathawkte khaichhuahnan tan a la zel dawn a ni a ti a. Agriculture tihhmasawn nan Rs.2600 lacs link road siam nan leh enkawl nan NEDP hnuaiah dah a nih thu sawiin, eibar tam zawk tharchhuak thei turin kuthnathawktute pawh tanpui na dawn chauh duhtawk lo a, hlawhtlin ngei tuma tan la thar sauh turin a fuih a. Sorkarin ruahmanna a siam te a hlawhtlinna tak tak chu kuthnathawktu te kutah a awm a ni a ti bawk. Godrej Company in Oil Palm chingtu mi 80 hnena Fertilizer a pek chu

Minister hian a sem nghal bawk a ni. Minister hian KVK Kolasib hmalakna a hmuna kalin a enpui nghal bawk.

Minister hi Parliamentary Secretary pahnih Pu Col.ZS Zuala leh Pu Hmingdailova Khiangte ten an tawiawm a ni.