2469/2025-2026

Dated Kolasib the 17th September 2025: Vawiin khan Kolasib DC Conference Hall ah Swachhata Hi Seva pual a Mizoram Cleanlines Competition 2025 khuhhawnna neih a ni a. Pu Robert C Lalhmangaiha, Kolasib DC chuan he hun hi kaihruai in Swachhata Hi Seva - 17th September to 2nd October 2025 leh Mizoram Cleanlines Competition 2025 chu Kolasib District tan bik a hawnna a nei nghal bawk.

He hunah hian Kolasib DC chuan thu sawiin, faina chungchang a UD&PA leh PHE Department te hmalakna chu a fakawm a tih thu sawiin, an uapna hnuaiah Kolasib pawh a fai zual zel a beisei a ni,a ti. Vawiin a swachhata hi seva puala mizoram cleanliness competition hawnna neih zawh tak chu faina lama District leh khaw tinte inelna thianghlim leh changkang a ni tiin, hemi kawngah hian Sawrkar Department te mai bakah khawtlang leh YMA te leh tlawmngaipawl hrang hrang te an pawimawh dâwn hle a ni, a ti a. ODF 2.0 a Kolasib hming lang rihlo chu a ngaihmawh thu sawiin, an ṭanrual phawt chuan ODF 2.0 mai nilovin, Kolasib chu Mizorama District fai ber a nih ngei a beisei tlat a ni a ti . Hemi kawnga thawhhona tha tak nei turin kalkhawm te chu a sâwm nghal bawk a ni.

Pi Josephine Zonunsangi,DUDO Kolasib pawhin he hunah hian thu sawiin, UD&PA ina Swachhata Hi seva puala an hmalak tum dan te a tarlang a. Mizoram cleanlines Competition a khawpui fai inelnaah Kolasib chu an thlen sang ngailoh thu sawiin, kuminah erawh theihtâwp a khawpui fai nih tuma, a Department ang pawh a tan an lak thu a sawi a. Tun hnaiah bawlhhlawh paih leh thenfai pawh awmze nei taka kalpui a ni tiin, playstore app, Pictor app chu siam a ni a, chumi hmang chuan smart e waste collection kalpui a ni dawn a ni a ti. Hemi piahlamah hian cable hrui in zamhnawk tepawh thenfai hna kalpui mek a nih thu a sawi bawk.

Swachhata hi Seva hi pual hian Clean Green Utsav activities hnuaiah hmalâkna hrang hrang kalpui a ni anga. Cleanliness competition school ah te, VC ah te office ah leh commercial Market ah te kalpui tum a ni a. Bawlhhlawh kalsan lova festival huaihawt te, waste to art initiative hmanga fashion show huaihawt te , clean street food promote te kalpui a ni dawn bawk. Hemi pual hian hnatlang pui ber," Ek din,ek ghanta ek saath" pualin September ni 25, zing dar 10 ah hnatlang koh a ni dawn a, veng hrang hrangah VC ten anmahni area ah theuh hnatlang hi an nei dawn a ni.

Vawiin a Swachhata Hi seva khuhhawnna puala thutkhawmna neih ah hian Kolasib DC leh DUDO bâk ah, Pi B Malsawmtluangi, Addl DC Kolasib  te, Pu Lalmuan Puia, Project Director,DRDO te, Pu Agni Mitra, DFO Kolasib te, Pi Lalrosangi, Sr EE PHE te leh Sawrkar Department sâwm bik aiawhte an kalkhawm a. Kolasib khawpui chhunga  VC ,YMA,MUP leh sawm bik pawl hrang hrang aiawhte an tel thei bawk a ni.