2470/2025-2026

Ni 17th September, 2025 : Nimin chawhnu dar 2 khan Mizoram State Project Monitoring Committee Pre-Construction meeting hmasa ber Planning & Programme Implementation Department Conference Hall-ah neih a ni a.  Er. Lalthanzuala Ralte, Secretary, MSPMC chuan meeting a kaihruai a. MSPMC 6th General Body meeting ni 11.8.2025 (Thawhtan) a neih taka thurel 'Tun atanga Mizoram State project thawh tur reng reng te chu nodal department te, executing department te, contractor leh project affected areas chhunga prominent citizen remchang te nen Pre-Construction Meeting hi neih thin ni tawh se, ti a alo rel tawh bawhzuina a ni.

MSPMC 1st Pre- Construction meeting-ah hian heng project 3(Pathum) 

(1) Construction of Working Women Hostel ZMC, Falkawn

(2) Construction of Working Women Hostel Thenzawl leh

(3) Construction of Central Warehouse,Muallungthu - 

hnathawh kal mek uluk taka en ho a niin hna chhunzawmna tura pawimawh hrang hrangte rel a ni.

Meeting-ah hian MSPMC member 10 leh MSPMC Official te bakah heng project Nodal Department, Executing Department official te, a hna thawktu Contractor Engineer an kal tha hle. MSPMC chuan Mizoram ro hlu, Project hrang hrang thawh tur reng rengah tun atang chuan hna tan a nih hmain project ruahman ang tak leh Quality tha thei ang bera hna zawh a nih a, a hman zui leh zel dan tur thlenga ruahmanna fel taksiam a kalpui zel a tum a ni. MSPMC Member te, Department Official te leh Contractor lam atanga rawn kal te pawhin Mizoram a development hnathawh tur a bul tan a tanga MSPMC-in hetianga vil hna a thawk hi tha an tiin, rah tha tak a chhuah ngei an beisei thu an sawi a ni.