No.2424/2020-2020

Vawiin khan Border Safety Monitoring Team, Kolasib District leh VLTF te ruahmanna in Dr. H. Lalthlangliana, Kolasib District Bawrsap chuan ramri hrula duty turin Thingdawl Venglai YMA Branch leh Kolasib Electric Veng YMA Branch te, Kolasib DC Office tualzawl atangin a vailiam.

Thingdawl Venglai Branch YMA atang hian ramri veng tur mi 12 an in pe a, anni hian Saihapui ‘K’ ah an duty ang a. Kolasib Electric Veng YMA Branch atang hian duty tur mi 24 an ni a. Phaisen leh a chhehvel ah an duty dawn a ni. Duty tur a chhuak te hi an vaiin mi 36 an ni a. Ni 25.05.2020 atanga 30.05.2020 thleng an duty dawn a ni.

Bawrhsap chuan, Mizoram COVID-19 hripui laka kan him theih nan a mi in pe tak tak an la awm thei zel chu a thlamuanthlak in a ropui hle a ni, a ti a. Kolasib Sub-Headquarters YMA Fin. Secy. Pu R. Lalramchhana’n a bik taka flag a siam hmangin Kolasib Bawrhsap chuan duty turte hi a vailiam a ni.

Attachment

  • Loading attachment...