Kolasib Bawrhsap Pu Zoengsanga chuan vawiin khan Kolasib District hospital dinhmun zirchiang turin a hmunah kal in a tlawh.

Bawrhsap chuan Doctor te hna chu mipui nena in kungkaih tlat a nih avangin mipui thleng phak rawngbawlna chu inpekna thinlung nena thawh a pawimawh thu a sawi a, damlo enkawlna kawngah pawh dawhthei a ngai a, tawngkam nem chu damlo tana dampui na tham a tling a theihtawp chhuah a pawimawh thu a sawi bawk.

Pu Zoengsanga chuan Doctor chu mamawh tu an tam a, kolasib District Hospital pawh pan tu an tam a, Kolasib District Hospital a thawktu te chu theihtawp an chhuahna kawngah fakawm a tih thu sawiin an rawngbawlna chu tha taka hlen chhuak zel turin duhsakna a hlan bawk. Sawrkar hnathawk tan mahni post a awm chu kan mawhphurhna ani tiin emergency in hna a awm thut thei a chumi huna kan inpeih reng theihnan mahni hnathawh na hmun awm chu ngaih pawimawh a ngai a ni a ti.

He hunah hian District Hospital hotute chuan hnathawh na tura an mamawh tlakchham hrang hrang an neih te an tarlang a, chung zingah Ambulance leh Morgue van te chu indaih zai zawka hman dan tur tha a an ngaih te bakah bawlhhlawh paihna kawnga hmasawnna tur awm te tarlang bawkin hemi bakah hian Damdawi ina damlo awm te kan hun chu damlo kan/tlawh tum mipui lamin zawm tha hram hram se an duhthu an tarlang bawk.