Kolasib Bawrhsap Pu Zoengsanga chuan vawiin khan Serkhan leh Bagha inkar kawng siam mek chu a hmunah kalin a enfiah.

He hunah hian Serkhan leh Bagha inakara khaw awm ho khawtlang hruaitute chuan kawng siam meka harsatna awm leh an duh khawp lohna lai te lo kawhmuhin kawng siam ina a nghawng compensation dawng tura in beisei si dawnglo leh an beisei aia dawng tlem te pawh in an harsatna tawh te an lo thlen bawka Bawrhsap chu hmalak pui turin an ngen a ni. Hemi bakah hian Bawrhsap chuan nisapui khua pawhna tur short cut formation cutting metre 900 vela thui leh nisapui khaw chhunga side drain siam that dan tur leh lungmuat khaw chhunga kawng siam tawh tha tawklo siam that ngai a enfiah bawka, Serkhan - bagha road kawng siam nana hman lung lakna quarry a harsatna awm chungchang pawh sawiho ani a, Bawrhsap chuan quarry chungchang a harsatna awm chu a sutkian dan tur ngaituahin hma a lak pui tur thu chu kawng siamtu company ABCI Company hotute a hrilh a, hetih lai hian kawng siam nana hman lung quality chu a tha tur ani a, kawng siam chu a rang thei ang bera zawh tum turin company hotute hi a chah bawk a ni.

Bawrhsap hi khawtlang hruaitute nen inkawmho na nei nghal in, hmasawnna ruhrel din, siam leh sak chungchang ah khawtlang hruaitute nen thawhhona tha a pawimawh thu tarlangin, harsatna an tawh reng reng in amah hrilh hre thin tur in a chah a thawhona tha atangin thil tha a chhuak thin a ni a ti a, a phak tawkah hma a lak pui zel tur thu a sawi bawk a ni. Chutih laiin compensation beisei chungchang ah pawh rinawm leh dik taka kan beisei a hun takzet ani a ti bawk. 

Serkhan-Bagha kawng siam mek hi km 90 vela thui niin, 0-73 km hi ABCI Company hnathawh niin, km 74 na atanga km 90 na thleng hi ABCI Company hnuaia mi tho GP Project company in an thawk a ni.

Kawng siam mek en ho na ah hian National Highway Division - V EE Er. Sanghrima Chongthu, kawnpui PWD SDO Pu Lalchungnunga, SDC Pi Lalrinkimi, ABCI Project Manager Pu Baruah, site engineer BK Singh, kolasib sub hqrs yma hruaitute leh pualreng group YMA hruaitute an tel a ni.