DIRECTORATE OF INFORMATION & PUBLIC RELATIONS, Government of Mizoram, India

Nimin tlai dar 6:00 pm khan Siaha District Bawrhsap Pu Bhupesh Chaudhary IAS chuan Siaha Observation Home a tlawh.

Pu Bhupesh Chaudhary hi Pi N.C.Elisia, Superintendent leh a staff ten lo dawngsawngin, Home leh Office building bakah naupangte chungthu an ngaituahna hmun- JJB room te fan pui a ni a. Home hmalakna hrang hrang bakah Home in a mamawh leh harsatna an neihte chu DC hnenah an lo thlen a. An harsatna thlen te zinga bawhzuih hmanhmawh ngai Observation Home Hungna (Fencing) thawm that leh tihphihsuih ngai chu hma a lakpui tur thu sawiin, an harsatna thlen hrang hrang te chungchanga hmalak dan tur pawh huangzau taka sawiho nghal a ni bawk.

Siaha Bawrhsap chuan Home enkawltu- Superintendent leh Staff te inpekna leh thawhhona fakawm a tih thusawiin, Naupangte nun chhe mek siamthatu ber leh kan Society tan a thawktu pawimawh ber te zinga mi an nih thu sawiin, theih tawp chhuah a tang zel turin a fuih hlawm bawk a ni.

Pu Bhupesh Chaudhary IAS hi Pu Ngulzathuam, SDC, Siaha in a tawiawm a ni.

Attachment