Lunglei DC in S Vanlaiphai a tlawhna ah hian an leilet zauah hun hman a ni a, he hun hi Lunglei District Agriculture Officer Pu Tlangtimawia Zote in a kaihruai a ni. Lunglei Bawrhsap Pi K. Lalrinzuali chuan fuihna thu sawiin kuthnathawh hi hna zahawm a ni a, ram changkang apiangah kuthnathawh an ngaisangin hausak pui nan an hmang thin a ti a, mizote zingah upa zawk leh kum tam zawk ten ram hna an thawk a, a thalai zawk leh chak zawk te kan awl hlauh thin hi thil zahthlak tak a ni a ti. Lunglei DC chuan helaia kuthnathawktute pawh chhel tak leh taima taka thawk hlawhtlinna duhawm hmutura a duhsak thu a sawi bawk.

S. Vanlaiphaia leilet neitu leh thlai chingtute hian Sawrkarin Custom hiring Centre a Tractor an dah, leilet neituten leileh nana an in hman chhawk chu an tangkaipui hle tih an sawi a, Lunglei DC leh DAO te hnenah an duh leh mamawh bakah an harsatna hrang hrang an thlen nghal a, Zaupui hmunah hian Leilet neitu mi 69 awm mek in, bigha 71.35 a zau leilet siam thin a ni.