548/2025-2026

Dated Pangbalkawn the 10th May 2025: Vawiin khan Pangbalkawn Community Hall ah Pangbalkawn khua a chhungkaw 47 te hnenah Buhfai bag khat (1) theuh semna hun hman a ni a, he hun hi Kolasib Bialtu MLA, Deputy Speaker Pu Lalfamkima chuan khuallian niin a hmanpui.

Khuallian, Deputy Speaker chuan he hunah hian thusawiin "Kuthnathawktute tan sorkar a ding zel dawn a ni" a ni a ti a, Hun reilo te, kumkhat chuang hlek chhungin ZPM sorkar chuan sawhthing leh hmuhphiah te a lei a, lei zel a tum bawk a ni a ti .Chutihrual chuan vawilehkhatah sawrkar hmalakna zawng zawng chu a fel duak duak thei lova, amaherawhchu sorkar hmalakna erawh chak taka kalpui mek zel a ni a ti bawk.

Deputy Speaker Pu Lalfamkima chuan Sawrkar in a hnathawh rah te chu a lo thlawn in a ral dawn lova, kuthnathawktute tan sorkar chuan theihtawpin a bei zel dawn a ni, a ti a. Universal Health Care scheme chungchang pawh sawiin, chak taka kalpui a ni a, mipui te chu he health Care Scheme ah hian in ziak lut vek turin a ngen nghal bawk a ni. Tin, “Ration Card pawh kan dinhmun a zir zelin kan awmna tur sawrkar in a rawn ruahman zel dawn a ni “,a ti bawk.

Vawiina Deputy Speaker in hun a hmanna ahhian Pangbalkawn a chhungkaw thahnem tak an tel thei a ni.