4018/2023-2024

2024 Ramtuk thla ni 29: Vawiin khan Pu Lalfamkima, Deputy Speaker leh Bialtu MLA nibawk chuan Kolasib District Hospital sak mek a tlawh a. Hospital sak hna thawktute leh Hospital a thawktute nen inkawmna an nei bawk.

Pu Lalfamkima chuan hnathawktute chu an hna tha tak leh chak taka thawk turin a chah a. Hospitak sak mek tualzawl tur chu rawt hniam a, Parking tam zawk leh Lirthei chetvelna zau zawk siam tha a tih thu a sawi a. Tun a Hospital sak mek Basement rual hian nawr hniam a rawt a. Hei bakah hian Hospital luhna pakhat chauh awm chu nakin zel atan a la buaithlak dawn avangin a luhna leh chhuahna hi siam belh tul a tih thu a sawi a. Hei bakah hian Budget Session neih mek a zawh hnuah Health Minister hova Hospital sak mek chu en ho an tum thu a sawi bawk.

Hospital sak mek hnathawktute chuan Block A chu May thla hian luah luh nawk nawk theih a peih hman an tum thu an sawi a, Block A an sak zawh hunah hian tuna Male Ward atana la hman, Building hlui chu thiah a, Block C sak zawm leh nghal tum a nih thute an sawi a. Tunah hian Block B sak hna an thawh chhoh leh mek tawh thute an lo hrilh a ni.

Kolasib Bialtu MLA hi Kolasib DC Office atangin Gilbert Lalhlimpuia SDC in a tawiawm a. Senior Chief medical Officer Dr RK Lalthlamuana, District Medical Superintendent Dr Samuel Lalfakawma bakah Hospital hnathawktuten an lo dawngsawng a ni.