Sawrkar Laipuia Minitry of Information & Broadcasting in tuna Analogue Cable TV Network te hi December 31, 2015 ral hmaa Digital Addressable Sysytem (DAS) a thlak vek tura thupek a chhuah chungchangah Kolasib District Urban Areas ( Kolasib, Bairabi, Vairengte leh Kawnpui) a Cable TV Operator - CZS, KCN leh an hnuaia Sub-operator te chu vawiin chhun dar 12:00 khan District Bawrhsap,Pu H. Lalengmawia IAS hovin DC Office-ah an thukhawm.

Vawiin thutkhawmah hian Cable TV Operator te chuan hemi chungchanga an hma lak tawhna leh an hma lak mekna te an tarlang a. DC chuan an inbuatsaihna chu tha thawkhat nia a hriat thu sawiin hun tuk chhunga he thil hi operator ten an ti hlawhtling thei tur chu lawmawm a ti a. Bairabi leh Thingdawla sub operator te hemi chungchanga harsatna an tawh chu ziaka thehlut turin a hrilh a, chu chu GAD lamah a rang lamin a thlen tur thu a sawi bawk.

Cable TV Digitization hi kalpui anih theihna tur chuan subscriber tin ten set top box an nei vek tur a ni a, hei pawh hi a supply tu turte nen inbiak chhoh mek zel niin, set top box hi TV pakhat atan pakhat zel hman tur a ni dawn a. A channel an thlan a zirin a cable fee hi a danglam dawn a ni.

Operator te hian an subscriber te hnenah a theih ang angin Cable TV digitization chungchang hi inhrilhriat/awareness neih nise tiin vawiina meeting an neih ah hian an sawi bawk.