2405/2025-2026

Dated Kolasib the 26th November 2025: Vawiin khan Kolasib District Consultative Committee (DCC) leh District Level Review Committee (DLRC) te chu Kolasib DC Conference Hall-ah an thukhawm a, Chairman leh Kolasib District Bawrhsap ni bawk, Pu Robert C.Lalhmangaiha chuan he thutkhawmna hi a ho a ni. He thutkhawmnaah hian convener Pu Thuamzamung Tunglut, Lead District Manager chuan September 2025 quarter chhunga Kolasib District bank hrang hrangte hnathawh dan a tarlang.

Chairman Pu Robert C.Lalhmangaiha chuan bank hrang hrang ten hmalakna tha an neih chu lawmawm a tih thu a sawi a, chutih rual chuan mipui te chawikan nan theihtawp chhuah zel turin a fuih bawk.  

Thutkhawm ah hian Pu JD Traite DDM NABARD chuan Agriculture loan chungchang ah thawhhona tha department hrang hrangte nen neih a pawimawh thu leh FLC a tangkai dan a sawi a.Pu JDa chuan sawrkar hmalakna pawimawh tak mai e-Kissan Upaj Nidhi leh e- NWR loneitute tana hamthatna tur chu sawifiahin, he scheme hmang hian an thlai thar Godown-a an dahthat te hmangin bank lamah awlsam zawk a loan an lak theih dan tur a sawi. 

Thutkhawmah hian vantlang mipuiten KCC leh Agriculture scheme an chhawr tangkai theihna turin department hrang hrangte nena thawh ho dan tur sawi ho a ni. 

Kumin hian Credit Deposit ratio hi  61.74 niin quarter hmasa aiin a sang  hret a, financial year chhungin district credit plan hlawkna chu 23.19% a ni.