2404/2025-2026

Kolasib, the 26th November 2025: Vawiin khan DC Conference Hall, Kolasib-ah Pu Robert C Lalhmangaiha, Kolasib DC kaihhruainain Solid Waste Management Center (SWMC), Dihmuntlang, Waste Tech & Bio Energy ten an enkawl mekah hmalakna hrang hrangte thlirletna (review meeting) neih a ni.

He hunah hian Pu Jacob Lalawmpuia Director, UD&PA; Joint Director (Admin), Deputy Director (Hqrs) leh Asst. Engineer, UD&PA te an tel a. Anni bakah hian SWMC endiktute - Dokhum Builders Firm te, Sanitation Task Force member Head of Office hrang hrangte, Kolasib khawchhung VCP te leh NGO President ten he hun hi an telpui bawk a ni.

Thutkhawmna ah hian Dokhum Builders Firm in inspection report pe in, Center chhung an hmuh dan leh dinhmun tlangpui te an tarlang a. Hemi hnu hian SWMC enkawltu CEO, Waste Tech & Bio Energy in an hmalakna report a pe ve nghal bawk a ni. UD&PA Director chuan thu sawiin, Kolasib SWMC chu Mizoram chhungah pawh 'Model SWMC' anihna te a tarlang a. Chutih rualin hmasawnna tur tam tak a la awm thu leh, tun aia nasa leh zuala tan lak a ngaih dan te a sawi lang bawk.

Vawiin thutkhawmna ah hian Kolasib Town Cleanliness Competition 2025 neih meka 'Closing Programme' neih dan tur chungchang chu VCP te leh NGO President te nen sawiho nghal a ni.

Tunlai a Kolasib khawchhung a Cable wire zam felfai hna kal mek chungchangah DUDO, Kolasib hnen atangin report ngaihthlak a ni a. He hna a tluang taka a kal theihna tura VC te leh Cable/Internet Service Provider te thawhona tha tak an neih avangin lawmthu sawina hun a hmang nghal bawk.