Vawiin khan DC Conference Hall ah Kolasib DC Pu H. Lalengmawia, IAS hovin Kolasib a Republic Day 2016 hman dan relin meeting pawimawh tak neih a ni a. Kolasib DC chuan Republic Day hi tu tah bik mah a nilo a kan zavaiin ta a ni a, a hlawhtlinna ah hian mawhphurna ka nei theuh a chu chu lawm leh phur taka kan hlenchhuah a ngai a ni a ti a. Kolasib SP Pu C. Lalzahngoa chuan Hnam Puanzar kan tar danah urhsun taka thil tih a tul tiin he thilah hian Head of Office te chu an naute ring mai lova an mahni ina enpui turin meeting a Head of Office kalkawmte chu a chah a ni.

Meeting ah hian Department hrang hrang te chu Republic Day atana mawhphurhna an nei te zau taka sawiho a ni a. Republic Day 2016 ah hian Department engemaw zatin Tableau an buatsaih dawn a ni.

Meeting ah hian Kolasib a Head of Office leh tlawmngai pawl hrang hrang hruaitu te, political party hruaitu leh thuthar thehdarhtu te an tel kim hle a ni.