Vawiin khan Mizoram Table Tennis Association buatsaih Mizoram Table Tennis Championship 2015 chu New Diakkawn Hall, Kolasib ah neih tan a ni a, he inelna hi Kolasib DC Pu H. Lalengmawia, IAS chuan khuallian niin a hawng a ni.

Pu H. Lalengmawia chuan infiammi hlawhtling ni turin mahni inthununna, tumruhna, mahni inrintawkna leh mahni invawn peih a ngaih thusawiin infiammi te chu a bik takin midang aiin an nun an uluk a an mahni inthunun a tul a ni, a ti a. Harsatna leh reitheihna te chuan mi tumruh te  tum a tihthuanawp lova hma lam pan turin leh hlawhtling turin a nawr kal zawk thin a, chuvangin kawng engkima infiammi te chu midang aiin an tum a ruha, an  tuarchhel a ngai a ni, a ti bawk.

Championship hian December ni 17 thleng a awh dawn a. He Championship ah hian National ranking nei te pawh an tel a ni.