Vawiin khan Mizoram Consumers’ Union (MCU) chuan Annual General Meeting vawi 19^th –na Central Hall, Venghlui ah an hmang. Pu TT Zothansanga, Parliamentary Secretary in a hmanpui. Hemi denchen hian consumer Awareness Food Safety, Cable T.V Digitization leh Telecom Ser vice chungchang ah inzirtirna an nei nghal a ni. Mizoram khaw hrang hrang atang in palai 200 vel an kal khawm.

Pu T.T. Zothansanga khuallian chuan consumer te hmangin Zoram nuam siam turin khawmpui palai te chu sawm in an mahni khua theuh ah thahnem ngai taka thawk turin a ngen a ni. Consumer te hnathawh hi Bible Society rawngbawlna nen tehkhinin Pathian rawngbawlna a ni a, tan la thar tura fuihin Mizoram hnam hrang hrang te in pumkhata thawkturina sawm nghal bawk. Sawrkar chuan a ngaih pawimawh ber leh a tum chu mipui tana thil tha tih leh consumer te humhim hi a ni a, kawng hrang hrang ah harsatna sukiangturinhma a la mek in awareness campaign fund te pawh Sawrkar chuan a pek  zel  thu a sawi.

Meeting ah hian President Pu Thanglura chuan Food Safety chungchang leh Cable T.V  a sawi a, Dr. Chawngsailova, General Secretary in Telecom Service leh Electric  chungchang a sawi bawk. Chawhnu in khawmah hian President kaihhruaina in rorel a ni a, Agenda pawimawh tak tak an passed zingah chuan Electric bill pek ni 30 tal ngaihhna thiam tur te,  Forum/Commission member te sitting allowance Rs. 1000/- tala ti pung tur te , Food Safety chungchang chak zawk a Sawrkar  ngen te, Cable T.V digitiazation tur ah  TRAI dan ang a consumer te hamthatna kal pui tur te, buhfai tha BPL leh AAY te pe tur a hmalak te a tel a ni.

2015-16 to 2018 hruaitu atan heng mite hi an thlang nghal a ni:

President                            :             Pu Thanglura, Venghlui

Vice President                    :             Pu R. Vanramchhuanga

Vice President                    :             Rev. Darchungnunga

General Secretary              :              Dr. Chawngsailova

Treasurer                           :           A. Lalhmangaihzuala