3557/2024-2025

Dated Kolasib the 16th December 2024 : Vawiin khan District Research Officer-in Quarter tin a mipuite leh Sawrkar, Researchers leh pawl hrang hrangte tana tangkai tur ‘Kolasib District Quarterly Statistical Bulletin, September Quarter 2024’ a buatsaih chu Kolasib DC Pu Robert C.Lalhmangaiha’n a Office Chamber-ah tlangzarhna hun a hmang.

Kolasib DC Pu Robert C. Lalhmangaiha chuan Kolasib District Quarterly Statistical Bulletin, September Quarter 2024 tlangzarh a ni thei chu lawmawm a tih thu a sawi a. Kolasib District dinhmun chiang zawka hriat a nih theih nana Data lakhawma Report felfai taka buatsaih thintu District Research Officer leh a thawhpuite inpekna chu fakawm a tih thu a sawi a. Heng an hmalaknate hian Sawrkarin hmasawn kawnga a hmalakna ah pawh nasa takin a puih thin thu a sawia. Kolasib District Quarterly Statistical Bulletin hi mipui tam zawkin an hman tangkai theihnan a phochhuah hi a pawimawh takzet a ni a ti.

Kolasib District Quarterly Statistical Bulletin, September Quarter 2024 a Report langsar zualte chu:

(1) Kolasib District chhung a village/Village Council awm zat leh no of households awmzat: DRDO Kolasib report ang in Kolasib District chhungah Village Council 56 awmin sub-village/VC pakhat (South Chhimluang) a awm a ni.   

(2) No of Registered Births & Deaths (Naupiang leh mithi awmzat): July 2024 atanga September 2024 chhung hian Kolasib District ah Nau piang 353, mipa 172 leh hmeichhia 181an awm a. Mithi hi 147, mipa 83 leh hmeichhia 64 an ni bawk a ni.

July-Sept 2024 chhunga Kolasib District a Birth Rate chu 3.06 (per 1,000) a ni a, Death rate chu 1.26 (per 1,000) a ni e.

(3) Causes of Death in Kolasib District (July – Sept, 2024): DRO office in a registered ah chuan Thih chhan Cancer (22) ni in, Stroke (18) leh Liver(thin) failure (18) ten an dawt. 

(4) Meteorological Data, July to Sept 2024: Kolasib District ah average a lak in July thla khan 4.66mm vel ruahtui dawn a ni a, August ah 6.04mm, September ah 2.75mm.

(5) Inflation rate (thilman sanzawng tehna): Mizoram ah June-Sept 2024 chhunga monthly inflation rate te chu 2.74%-June, 3.06%-July, 2.71%-August, 3.14%-September a ni. 

(6) Kolasib District Bazaar hmun hrang hrang a thilman: July-Sept 2024 chhunga Kolasib District a bazaar (market) hrang hrang atanga thilman (average price) lak te chu item wholesale prices 189 leh retail prices 97 a ni a, chung zinga item 24 te highlight bawk a ni.

(7) Sustainable Development Goals (SDGs)a Kolasib District Performance: 2021-22 North East India Index te tarlan a ni bawk. Kolasib District hi North East India a District 120 thlanchhuan zingah SDG a titha 12 na a ni a, Mizoram ah chhungah 3 na a ni bawk.

(8) Vairengte Check Gate, FCS&CA data atanga July-Sept 2024 chhunga Mizoram a bungrua lut zat te tarlan a ni bawk.