3558/2024-2025

Dated Lawngtlai 16th December 2024 : Vawiin khan Pu Cheemala Siva Gopal Reddy, IAS, Lawngtlai bawrhsap chuan Ministry of Development of North Eastern Region (DoNER) hnuaia North Eastern Council (NEC) kaltlang a Bungtlang South - a  hnathawh hrang hrang enfiahin, 33 KV Sub- Station a tlawh nghal.

Pu Cheemala Siva Gopal Reddy chuan Ministry of Development of North Eastern Region (DoNER) hnuaia North Eastern Council (NEC)  kaltlanga hmasawnna tur hnathawh lo kal thin chu tha  leh fel fai taka hman a tul hle a ti a. Ram leh hnamin kawng hrang hranga hma a sawnna tur a duan a  nih angin, NEC kaltlanga hnathawhte chu endik fo a tul tak zet tiin hmalam hunah pawh endik fo a nih tur thu a sawi.

Pu Cheemala Siva Gopal Reddy chuan Multi-purpose Hall, Bungtlang 'S' sak zawh tawh chu  enfiahin, tha tak a enkawl zui a pawimawh hle a ti a. Multi- purpose Hall enkawl turin 'Management Committee'  tha tak din a pawimawh hle tih sawiin, BDO leh VC-  te chu  lo din ngei turin a chah.  Government Middle School, Bungtlang 'S' tana Teacher  quarters sak  thlawhin, bawrhsap  chuan tangkai taka hmang tur leh khaw pawn lam atanga  Zirtirtute chu quarter a an awm ngei a pawimawh hle a ti a. Government High School, Bungtlang 'S' tana 'Toilet Cum Urinal'  leh 'Basket Ball Court' sak zawh tawh leh Bawlhlawh sawngbawlna hmun a  tlawhnaah hnathawh a tha thawkhat hle nia a hriat thu a tarlang bawk.

Multi-purpose Hall, Bungtlang 'S' hi cheng nuai 40 seng a sak niin, ni 4.04.2024 khan sak zawh a ni a. Teacher  quarters, Government Middle School, Bungtlang 'S' hi cheng 32,83,170/- a sak niin, ni 2.02.2024 khan sak zawh a ni a. Government High School, Bungtlang 'S' a 'Toilet Cum Urinal' hi cheng 11,84,538/- a sak niin, ni 6.04.2024 khan sak zawh  niin, Basket Ball Court' hi cheng nuai 12 -  a sak niin ni 4.04.2024 khan sak zawh a ni. Bawlhlawh sawngbawlna hmun (Solid Waste Management) hi cheng 11,84,538/-  seng a sak niin ni 6.04.2024 khan sak zawh a ni bawk.

Bawrhsap hian 33 Kv Sub- station tlawh nghalin, hetah hian Pu  Alex Lalrinpuia SDO EE (P&E) chuan a  lo dawngsawng a. Tun dinhmunah 33 Kv Sub- station in khua 80 vel a chawm mek thu lo hrilhin, Revamped Distributor Sector Scheme (RDSS) hnuaiah khua 13 ah kawlpetha pe tura hmalak mek a nih thu a lo hrilh bawk a. Pu Cheemala Siva Gopal Reddy chuan P&E hnathawh fakawm a tih thu sawiin, theihtawp a mipuite tana thawk zel turin a fuih nghal.

Pu Cheemala Siva Gopal Reddy hi Pu Zoramsiama Hmar, Addl.DC, Pu Zonunchama Ralte, DIPRO leh Pu B. Lalrinzuala SDO, PWD ( Building) ten an tawiawm a ni.