No.7270/2020-2021 

Vawiin chawhnu khan I&PR Conference Hall Kolasibah Mizoram Youth Commission, Planning & Programme Implementation leh Commerce & Industries Department tangkawp buatsaih, ram pawn atanga lo haw, Mizoram mi leh sate eizawnna dapna kawnga pui turin, ‘Entrepreneurship Development Programme for Migrant Workers’ ni hnih awh training kharna hun hman a ni a. Training chhuakte certificate hlanna hun leh training kharna hun hi Dr.H.Lalthlangliana, Deputy Commissioner, Kolasibin a hmanpui a ni.

Khuallian Dr.H.Lalthlangliana chuan training a telte fuihna thu sawiin “Ka thei ve a ni” tih rilru put chu hmasawnna atan a thuvawn pawimawh hmasa a ni, a ti a, hlawk thut tumna rilru pu chunga hmalak aiin teirei peihna thinlung nen thawk thin zawk turin a chah a ni. Khawvel changkanna tam tak thalaite ban phak a awmte chu hmang tangkai thiam turin kalkhawmte a chah a,” Lo neih, huan siam leh ran vulh thlengin a zir a zirchhuak thalaite ngei in a kan tih hian hlawhtlin pawh a awlsam zawk ngei ang a, heng kawng a thiamna pawh nei lem lo midang tih tur a dah lovin, hlawhtling tur chuan kan zirlaite a taka hman tangkai kan tum a hun tawh hle a ni,” a ti. Kut hnathawh chu zahpui lo turin leh hemi kawngah hmasawn leh intodelh a tul thu khuallian chuan sawiin eizawnna kawng a hlawhtling tur chuan midang nen a kan indawrtawnna kawngah zahawm, hawihawm, biak nuam leh thlei bik nei lova kan kalpui thin a tul thu a sawi bawk a ni.

Training kharna hun hi Pu P.C.Lalvuana, Functional Manager, DIC, Kolasibin kaihruaiin ni 20 leh ni 21, January, 2021 chhung hian enzawnna tlak a thiam thil hrang hrangte tangkai tak a hman dan te, eizawnna bul tan nana hriattur pawimawh hrang hrangte leh Project report siam dante mithiamte hnen atangin ngaihthlak a ni.