Kolasib District-in zirna lama hma a sawn zel theih nana Kolasib DC Pu H. Lalengmawia hova school hrang hrang hranga Education Campaign a kalpui mekah nimin (ni 8 August 2016) khan DC hian Govt. Diakkawn High School a tlawh a. A ni hi Pu Lalnunhlua MCS, Project Director DRDA chuan a tawiawm a ni.

School Main Hall-ah Dr. C. Lalrintluanga DVO Kolasib kaihhruai meeting-ah chuan D.C. chuan School naupangte hnenah chuan kumin High School result chhuakah Kolasib District chu a that tawk loh thu sawiin, District huap ang pawh a tan lak thar a ngaih zia thu a sawi a. An nih tum zawtin an tum ang hlen chhuak tum ngei turin leh rilru ngaihtuahna puitling tak nei a zir turin a fuih a. Zirlai te chu an tum ti sang turin a chah a, an hun kal tawh ah position tha lo nei lo pawh ni mah sela, chu chuan an mahni ti beidawng lova tan lak nana hmang zawk a taimak chhuah leh zual sauh turin a chah a. DC Pu H.Lalengmawia chuan zirtitrtute hnenah chuan an zirlaite an mamawh tak pe chhuak turin a ngen a. Note tha tak naupangte hlawhtlinpui ngei tur siam sak thin turin a rawn a, Text Book pawn lamah naupangte that leh zualna tur dapa in buatsaih fo thin turin a chah bawk ani.

DRDA Project Director Pu Lalnunhlua pawhin thu sawiin school naupang te chu an rilrua tum nei a, an nih tum chu vawng renga an hlawhtlin theih na tura subject pawimawhte hre chianga chhut thiam turin a chah a, an zirlaite rilru leh tih tak zeta an zir phawt chuan an hlawhtling ang a ti a ni.