2054/2024-2025

Dated Kolasib the 13th September, 2024: Vawiin khan Kolasib DC Pu Robert C Lalhmangaiha chuan Intensified IEC Campaign, India Fight Against HIV AIDS and STI Rally chu Kolasib DC kawtzawl atangin a vailiam.

He rally ah hian Kolasib a School hrang hrang te kalkhawmin HIV, STI leh a kaihhnawih natna te do a nih theih nana awareness thuziak hrang hrang banner leh cardboard a  an thuziah te an tarlang a. Kolasib DC Kawtzawl atang bul tanin he ni puala Closing Function hmanna tur Diakkawn YMA Hall thleng rally hi neih a ni.

Rally neih zawh hian Diakkawn YMA Hall ah programme tawi leh lawmman semna hun hman a ni a. He hunah hian DC chu khuallian niin, Dr Saichhingpuii Sailo, District Aids Control Officer chuan Chairman niin hun a kaihruai.

Khuallian DC chuan thusawina nei nghalin kan taksa vawn thianghlim hi Pathian pawhin a ngai pawimawh takzet a ni, a ti a.

Aids in mizoram a run nasa hle a, Mizoram ah a ni telin Aids kaihhnawih natnate pung tual tualin chu chuan tleirawl, nula leh tlangval te a tibuai a. Hei hi a chhan berah chuan mahni nun uluk loh vang te leh mipat hmeichhiat hman khawlohna vang te a ni a, chuvang chuan an hma hun zel atan nun uluk a, rinawmna vawng turin kalkhawmte chu a chah. DACPS in Aids dona kawnga an hmalakna te a lawmawmin a chhuanawm tak zet a ni a ti a, hemi kawngah hian an hmalakna te a lo hlawhtlin zual zel theih nan District Administration lam atang pawhin ke pen pui ve zel an in huam thu a sawi bawk.

Vawiina Closing Function Programme ah hian Dr RK Lalthlamuana Sr. CMO Kolasib chuan lawmna thu sawiin, HIV leh STI Awareness chungchanga inzirtirna R Lalmuanawmi, Counsellor, MICTC leh Juliet Lalhruaitluangi, Counsellor, STI te hnen atang ngaihthlak a ni bawk. Pu Lalbiakzuala Khiangte, DPM, DAPCU in thusawina a neih zawh in vawiin hun hi tihtawp a ni.