1708/2024-2025

Dated Kolasib the 23rd August, 2024: Vawiin khan Kolasib DC Conference Hall -ah Kolasib DC Pu Robert C Lalhmangaiha kaihruaina hnuaiah Kolasib Owners Association te nen thutkhawmna neih a ni a. He thuthkhawmnaah hian Kolasib District Truck Owner Association (KDTOA) & Kolasib District Driver Welfare JAC Co ordination Committee ten kawng tha zawk beiseia NH 306/06 Road Block an huaihawt chungchang leh kawngpui tha zawk nei tura thawhhona tha zawk neih theih dan tur te an sawiho a ni.

Vawiin thuthkhawmnaah hian Kolasib District Truck Owner Association (KDTOA) & Kolasib District Driver Welfare JAC Co ordination Committee te chuan kawng tha beiseia Road Block an buatsaih mek chu vawiin hian an thil phut te tih hlawhtlin a nih chuan tihtawp an in huam thu an sawi a. Ngun taka ngaihtuaha sawiho a nih hnu in leh an thil ngiat te Official lam atanga theihtawp chhuahpui an intiam angin Agreement sign a ni a. He Agreement an sign zawh hnu hian ni 22 August 2024 atanga NH 306/06 a Road Block kalpui mek chu vawiin August ni 23 tlai Dar 2PM hian tihtawp an remti ta a ni.

Vawiin thuthkhawmnaah hian Kolasib DC Robert C Lalhmangaiha chuan thu sawiin, Kolasib District Truck Owner Association (KDTOA) & Kolasib District Driver Welfare JAC Co ordination Committee thil huaihawt chu thil tha duh na avanga thil thleng a ni, a ti a. Kawng tha neih chu Deputy Speaker leh Bialtu MLA ni bawk Pu Lalfamkima pawh in a ngaih pawimawh takzet thu sawiin, ama hova endik hna pawh neih a ni tawh a, chumi bawhzuina kal zel ah theih ang anga hmalakna kalpui a ni, a ti.

DC chuan an hmalakna ten rah tha a chhuah chhoh mek thu sawiin, NHIDCL ten an hnuaia contractor te hnenah August ni 21 khan hriattirna pe in ni October ni 5. 2024 hma in kawng khuar zual lai hnawh vek turin an ti a. MPWD pawh in Sadguru hnenah hriattirna an pe ve bawk a ni a ti. 

DC chuan kawng chungchang chuan mi tin a nghawng a ni, a ti a. Kolasib District phei chu Mizoram kawtchhuah anih angin Mizoram a nghawng nghal a, chuvang chuan theihtawp a tanrual a hmalak a ngaih thu a sawi a. Tun dinhmun ah chuan kawng chu thuang hnih a kalpui nise, ruah sur lai a nih avangin a khuar zual lai hnawh ah in sawrbing hmasak a, working season ah erawh Blacktopping a nih hnu pawh in a huhova thahnemngai taka vil tlan a ngai a ni, a ti. Hemi kawng chungchang a chak zawka hma la tur hian SDO (Sadar) kaihhruaina hnuaiah Working group pawh din a nih thu a sawi a, National Highway chungchangah meeting a rang thei ang berin NHIDCL leh MPWD  contractors te nen nei tura ruahmmanna siam a ni, a ti bawk.

Vawiin a thuthkhawmna ahhian DC bakah SP Kolasib, PWD Sr EE, PD (DRDO), SDO Civil, DIPRO Kolasib, NHIDCL Project Manager leh JAC  hruaitute an tel a ni.

Thuthkhawmna neih zawh hian Kolasib DC hian kawng siam lai mek a hmunah a enfiah nghal a ni.