1707/2024-2025

Saitual, the 23rd August, 2024: India Meteorological Department, Ministry of Earth Sciences, Government of India bulletin dt.20.08.2024-in a tarlan danin Ni 20.08.2024 atanga Ni 24.08.2024 chhung hian Mizoram hmun thenkhatah ruah tam tak sur thei reng a nih avangin Saitual District chhungah pawh ruah sur nasa avanga chhiatna thleng thei lakah mipuite fimkhur turin kan inhriattir a.

Hemi chungchangah hian thu belhchian dawl lo leh midang tichiai thei tur thil thehdarh lo turin mipuite kan inhriattir a, chutih rualin ruahsur nasat avanga thleng thei heng leimin, tuilian leh chenna in chhe mai thei lakah fimkhur turin leh mahni theih tawka hma lo la turin kan inhriattir bawk e.

Tin, heng chhiatna hrang hrang thleng thut thei laka lo inring lawk turin sawrkar kutke zawng zawng te pawh kan inhriattir bawk a ni. Chhiatna thleng palh a awm chuan Saitual District Emergency Operation Centre - Phone No. 9089234494 / 8794958343-ah hriattir vat tur a ni.